Dua Lipa po mendon të bëhet mami, por me një album të ri! Ylli 28-vjeçar është në kopertinën e muajit shtator të prestigjozës Vogue France dhe ka rrëfyer se për momentin, mëmësia s’është në planet e saj dhe se e vetmja gjë që po mendon të sjellë në jetë është një album i ri.
View this post on Instagram
“I vetmi bebush për të cilin po mendoj tani është albumi im i ri”, u shpreh me shaka Dua. Këngëtarja foli edhe për marrëdhënien e ngushtë që ka me prindërit dhe se për të, familja është shumë e çmuar dhee rëndësishme.
Këngëtarja e hitit “Levitating” u shpreh se është shumë mirënjohëse që tanimë ka më shumë kohë që të përkushtohet në pasionet e saj. Lipa tha për Vogue France: “Mendoj se gratë kanë kërkuar një rol në shoqëri që u është ndaluar më parë. Por, a është zhdukur dëshira për të bërë fëmijë? Mendoj se gratë duan që t’i bëjnë gjërat në paqe dhe të mos ndihen fajtore se zgjedhin veten”.
A ka në plan të bëhet nënë Dua në të ardhmen? Dua u përgjigj: “Hmm, mbase. Asgjë s’është e planifikuar”.
Më tej, shtoi:
“Kur të vijë momenti i duhur, do e di. Por, deri atëherë, kam prioritete të tjera”, duke theksuar se do të shijojë rininë e saj.
Dua foli edhe për stigmën me të cilën përballen gratë që zgjedhin të mos kenë fëmijë. “Shoh kritika të pafundme për zgjedhjet e grave. Për mua, është shumë e rëndësishme që të respektohen zgjedhjet e grave”, theksoi ajo.
Artikuj të sugjeruar:
