Sara Hoxha, partnerja e Ledri Vulës, është një ndër vajzat që hyri me vrull në botën e showbiz-it shqiptar dhe u shqua menjëherë për tipin e lirshëm, të qenit cool dhe "me këmbë në tokë".
Rishtazi, në Instagramin e saj, Sara u lejon ndjekësve t'i bëjnë pyetje dhe gjithnjë e më shumë përgjigjet e saj na bëjnë të mendojmë se është një e dashur “chill” dhe perfekte.
Për shembull, a e patë atë story-n ku Sarën e pyesnin si ndihet për videot që qarkullojnë në TikTok, ku shihet Ledri me Dafinën, ish-partneren e tij? Videot janë editime të fansave dhe shoqërohen me këngën e Dafinës që thuhet lart e poshtë se është dedikim për Ledrin. Përgjigjja e Sarës? "Super ide marketingu, kushdo e ka bërë, i lumtë. E kam me të vërtetë".
Kujtojmë edhe se kur Ledri ishte i ftuar në “Më lër të flas” dhe u përball me pyetjen “Me kë e ke të ndaluar të bashkëpunosh?”, Ledri u përgjigj se kur Sara nuk e kishte ndaluar të bënte një këngë me Dafinën, nuk do ta ndalojë për askënd. Kjo do të thotë se nuk ka asnjë barrierë në pjesën profesionale dhe se Sara, nuk është aspak xheloze. Pra, Sara e di shumë mirë që partneri i saj ka pasur një të shkuar, është një person publik dhe si i tillë do të shënjestrohet gjithnjë. Sara është e qetë dhe e di se jeta e saj e vërtetë nuk ka të bëjë me editimet e fansave, apo me admirimin e tyre për ish-çiftin Ledri-Dafina. Me pak fjalë, Sara di ta ndajë punën nga marrëdhëniet personale.
Një tjetër arsye është edhe që Sara e di shumë mirë që njihet prej Ledrit dhe nuk e ka fare, po fare bezdi këtë. Ky fakt na bën të mendojmë se lidhja e tyre është e shëndetshme dhe Sara i jep Ledrit meritat që i takojnë, veçanërisht publikisht.
Gjithashtu, Sara ka një marrëdhënie shumë të bukur me mamin e Ledrit. Besoj e keni parë nga komentet e Xheraldinës në Instagram-in e Sarës.
Ja dhe vlerësimi:
Shkurt e qartë, Sara është e dashura e përsosur dhe e qetë në marrëdhënien e saj. Epo, jo më kot i ka marrë zemrën një prej çunave më të preferuar të trevave shqipfolëse.
Shënim: Anabel.al tashmë edhe në aplikacion – për ta shkarkuar klikoni këtu për iOS dhe këtu për Android.
