Motra e Demi Lovato, Madison De La Garza, ka humbur foshnjën e saj të porsalindur. Më 26 tetor, Madison shkroi në një postim në Instagram se fëmija i saj dhe i të dashurit Ryan Mitchell, u nda nga jeta pas një operacioni emergjent cezarian.
“Në mbrëmjen e 27 shtatorit, pas një operacioni cezarian emergjent, Ryan dhe unë mbajtëm vajzën tonë për herë të parë dhe të fundit,” shkroi 22-vjeçarja në postim. “Faleminderit, Xiomara, që na bëre prindër të engjëllit më të përsosur në parajsë. Mami dhe babi të duan.”
Demi dhe disa nga anëtarët e tjerë të familjes kanë shprehur po ashtu dashurinë dhe mbështetje për aktoren. Në një koment në postimin e Madison-it, ylli i "Camp Rock" shkroi: “Të dua shumë, Xiomara. Një engjëll në çdo kuptim të fjalës. Do të jem tezja jote përjetë.”
Më tej, në një postim në Instagram, Demi shtoi: “U prehsh në paqe mbesa ime e bukur, e përsosur, Xiomara. Jam kaq mirënjohëse që pata mundësinë të të mbaj në krahë.”
I fejuari i Demi-t, Jutes, gjithashtu dërgoi mbështetje për Madison-in, duke komentuar: “Të dua shumë. Prehu në paqe, engjëll i vogël, Xiomara.”
Artikuj të sugjeruar:
- Demi Lovato nuk do që fëmijët e saj të jenë VIP-a para moshës 18-vjeçare për një arsye mjaft bindëse
- Një listë me këngë që na kujtojnë se jemi në verë
- Prerja bob është kaq në modë sa as Demi Lovato nuk i rezistoi dot
- Demi Lovato thotë se ka më shumë besim te vetja, falë ndërhyrjeve dhe trajtimeve
- Këndoi “Heart Attack” në një event për sëmundjet e zemrës: Kritikohet Demi Lovato
