Kur Christina Aguilera fliste për gëzimet e vogla në jetë me siguri nuk e kishte fjalën për ndryshimin e pelenave. Mirëpo këtë do e lexoni në revistën “Women's Health” në muajin mars. Pas lindjes së dy fëmijëve, ylli i muzikës nuk është kthyer sërish në jurinë e The Voice.
Në intervistën e saj në këtë revistë këngëtarja i ka quajtur të padrejta pritshmëritë që u vihen femrave veçanërisht nënave dhe ka dashur t’i inkurajojë ato.
“Nga nënat pritet që të jenë ato që ushqejnë fëmijët, që japin gjithçka, që sigurojnë një shtëpi të rehatshme,” tha ajo për WH. “Pritet që ne të ngelim shtatëzënë, të kemi fëmijë, t’i ushqejmë me gji. Po ashtu supozohet që të dukemi bukur pas lindjes së bebit apo jo?”
Për atë që shohim ne, Christina duket e mrekullueshme edhe pas lindjes së fëmijëve, por ajo i lidh këto fjalë me shumë femra të tjera. Por nuk ndalet me kaq: “Nga ne pritet që t’i mbajmë burrat ose të dashurit tanë të interesuar pasi duhet t’i rikthehemi seksit dhe t’i bëjmë gjërat sa më emocionuese në dhomën e gjumit. Kjo është një listë e gjatë.”
“Të pasurit e fëmijëve është gëzimi më i madh dhe unë i dua fëmijët e mi, por femrat duhet të gjejnë kohë të ushqejnë veten. Kur shoh dikë që ka fëmijë, gjëja e parë që mendoj është: “A po kujdesesh për veten?”
Më poshtë është videoja e saj me një mesazh për femrat.
Burimi: Women's Health; Përshtati: Klarida Bregaj
