Fundjava mund të jetë i vetmi moment kur familja ëshhtë e gjitha bashkë. Ndaj është edhe koha më e mirë për të krijuar ca aktivitete dhe situata që të argëtojnë dhe krijojnë një lidhje më të fortë mes fëmijës dhe prindit.

Më tej do ju listojmë disa sugjerime për aktivitetet e fundjavës me familjen:

Planifiko një piknik

Nëse koha është e mirë, familja mund të kalojë kohë në natyrë duke provuar disa nga ushqimet e preferuara të shpejta që fëmijët i kërkojnë zakonisht.

Gatuaj

Rrëmuja në kuzhinë gjatë fundjavës mund të luajë rol të rëndësishëm në lidhjen e fortë mes fëmijës dhe prindit. Përfshije në gatim dhe përgatisni pjatat bashkë. Fëmija do ndihet i lumtur, i përfshirë dhe do e shijojë ushqimin më shumë se zakonisht.

Luaj nëpër shtëpi

Mund të luash me lodrat e tyre të preferuara, mund të krijoni puzzle, mund t’i tregosh lojën tënde të preferuar gjatë fëmijërisë dhe t’ia mësosh. Ka kaq shumë opsione, vetëm të duhet të zgjedhësh.

Shikoni një film

Zgjidh filmin e preferuar të fëmijës. Ndërto një ambient të bukur ndryshe nga zakonisht për ta bërë eksperiencën akoma më të veçantë.

Lexo

Prezantoje të voglin me një libër të ri dhe nisni ta lexoni bashkë.