Kënga e fundit e Capital T u kthye në hit, arriti brenda pak ditësh më shumë se 1 milion klikime dhe pak orë më parë u bllokua nga kompania që gëzon të drejtën e origjinalit. Për çfarë bëhet fjalë?
Siç mund ta keni lexuar, Anabel.al raportoi dje se refreni i këngës “Akull” është marrë nga kënga “Galliyan”, që është kolona zanore e filmit të njohur të Bollywood-it, “Ek Villain”.
Për të qenë të drejtë me të dyja palët, theksuam se mund të kemi të bëjmë me përshtatje dhe blerje të të drejtës së autorit, por fakti që nuk përmendej askund kompania muzikore me bazë në Indi, T-Series, ngrinte dyshime.
Sot, kënga “Akull” është bllokuar nga YouTube për shkak se T-Series e ka raportuar për kopje. “Kjo këngë ka përmbajtje nga Tseries Music që e ka bllokuar për shkak të të drejtës së autorit,” shkruhet në video.
Kjo vërteton se në fakt kemi të bëjmë me kopje dhe jo përshtatje ose rimarrje si në rastin e këngëtarit shqiptar Lannex.
Për videon e krahasimit të këngëve, klikoni artikullin: Capital T që sulmonte kopjacët, sot kopjon vetë
