Brad Pitt flet për herë të parë pas përfundimit të divorcit me Angelina Jolie

Brad Pitt ka folur për herë të parë për divorcit të tij me Angelina Jolie, pas më shumë se tetë vitesh betejë ligjore.

Aktori 61-vjeçar dha një intervistë për revistën GQ të publikuar më 28 maj, ku foli kryesisht për filmin e tij të ri që fokusohet te garat me makina, "F1".

Megjithatë, nuk mundi t’i shpëtonte pyetjeve sa i përket jetës personale. I pyetur nëse ndiente "lehtësim" pas arritjes së marrëveshjes së divorcit me Jolie më 30 dhjetor 2024, ai tha:

"Jo, nuk mendoj se ishte ndonjë gjë e madhe. 

Thjesht diçka që u përmbyll ligjërisht."

Jolie kërkoi divorcin disa ditë pas një fluturimi privat me avion, gjatë të cilit ajo pretendoi se Pitt kishte ushtruar dhunë ndaj saj dhe gjashtë fëmijëve të tyre. Autoritetet nuk ngritën akuza ndaj aktorit pas hetimeve, ndaj Jolie vendosi të mos e ndjekë më penalisht çështjen.

Dy aktorët, të cilët kanë gjashtë fëmijë së bashku, Maddox, Pax, Zahara, Shiloh dhe binjakët Knox dhe Vivienne, nisën historinë e tyre të dashurisë në vitin 2005 dhe u martuan në vitin 2014.

Përfaqësuesit e aktorit nuk komentuan për marrëveshjen e divorcit në dhjetor, por një burim pranë aktorit i tha revistës People në mars se "ai është i lumtur që divorci u arrit", dhe se ai dhe e dashura e tij, Ines de Ramon, me të cilën është në një romancë që nga viti 2022, "janë në një moment të mirë të lidhjes së tyre."

Avokati i Jolie, James Simon, deklaroi në atë kohë se Angelina është përqendruar te paqja për hir të familjes.

"Ky është vetëm një kapitull i një procesi të gjatë që nisi tetë vjet më parë. Sinqerisht, Angelina është e lodhur, por ndjen lehtësim që kjo situatë më në fund ka marrë fund."

Nga ana tjetër, në intervistën për GQ, Pitt u shpreh se jeta e tij personale ka qenë gjithmonë nën vëmendjen e mediave. Sipas tij, kjo gjë e ka bezdisur gjithmonë.

"Ka qenë gjithmonë bezdisëse që duhet të përballoj vëmendjen mediatike, ndërsa merrem me gjërat që dua vërtet të bëj."

Ndërkohë, aktorin do e shohim shumë shpejt në kinema, me filmin “F1” që pritet të dalë në kinema më 27 qershor.

Artikuj të sugjeruar: