Nëse mendoni se besëtytnitë lidhen vetëm me fatin e keq të një pasqyre të thyer apo me një mace të zezë që ju pret rrugën, mendohuni sërish! Në një pyetsor të zhvilluar me ndjekësit e Anabel, pyetëm: Cila është një bestytni që keni për njerëzit? Dhe një përgjigje që u përsërit shpesh ishte: “Njerëzit me buzë të holla duken më pak të besueshëm.”
Nga vjen kjo bestytni?
Besimi se dikush me buzë të holla është më pak i besueshëm mund të ketë rrënjë në mënyrën se si perceptojmë fytyrat. Njerëzit shpesh i lidhin buzët e plota me ngrohtësinë dhe mirëkuptimin, ndërsa buzët e holla mund të japin përshtypjen e një personi më të rreptë ose të ftohtë.
Në kulturën popullore, ky perceptim mund të jetë përforcuar nga mënyra si paraqiten personazhet në filma dhe libra - antagonistët shpesh kanë tipare më të mprehta, përfshirë buzë të holla, ndërsa protagonistët kanë fytyra më të buta dhe buzë më të plota.
Njerëzit formojnë mendime për besueshmërinë e dikujt brenda milisekondave të para të shikimit të fytyrës së tij. Tiparet më të buta dhe simetrike lidhen shpesh me ndjenja pozitive dhe një perceptim më të madh të sinqeritetit.
Por, përtej perceptimeve, është e qartë se besueshmëria e një personi nuk mund të përcaktohet nga forma e buzëve. Megjithatë, kjo bestytni mbetet interesante dhe tregon se si pamja ndikon në mënyrën se si i shohim të tjerët - edhe nëse është thjesht një perceptim i gabuar.
Po ju, keni ndonjë bestytni të ngjashme për tiparet e njerëzve?
