Armina Mevlani dhe Shkëlzen Berisha
Armina Mevlani është një nga fytyrat më të njohura të ekranit shqiptar. Fashionistja dhe biznesmenja shqiptare ka 11 vite diferencë me partnerin e saj, i cili gjithashtu është një fytyrë e njohur. Shkëlzen Berisha, djali i ish-kryeministrit Berisha, është në një marrëdhënie me Arminën prej vitesh, por publike lidhjen e tyre e bënë vetëm në vitin 2013.
Andrra Destani dhe Sinan Hoxha
Para disa ditësh, Andrra Destani mbushi 21-vjetorin duke na treguar që midis saj dhe Sinanit ka vërtet një diferencë të madhe moshe, 19 vjet për të qenë më të saktë. Këngëtari i njohur u fejua me bukuroshen nga Kumanova në një festë private. Dhe më pas ata të dy u martuan në një dasëm spektakolarë në vitin 2015, e cila madje u konsiderua dhe si “eventi i vitit”.
Ledion Liço dhe Sara Hoxha
Ledioni “u rrit” në Top Channel, kompaninë që babai i Sarës kishte ngritur. Ata kishin rastisur shpesh në evente bashkë, por në pranverën e vitit 2014 nisën të kuptonin se kishin shumë të përbashkëta, ndonëse me 8 vite diferencë.
Inva Mula dhe Hetem Ramadani
Sopranoja e njohur shqiptare dhe bashkëshorti i saj, Hetem Ramadani, kanë 10 vite diferencë. Ai, një praktikues i mendimit trashendental, ka thënë se Inva i ka shpëtuar jetën. Jo gjë ka ndodhur pasi atij para shumë viteve dikush “i kishte thyer zemrën”. Çifti ka një vajzë, e cila mban emrin e gjyshes ruse, Nina. Ndonëse shpeshherë është diskutuar një divorc i mundshëm, të dy kanë mohuar çdo dyshim.
Getoari dhe Marina Vjollca
Janë padyshim çifti që na ka bërë më kuriozë. Getit dhe Marinës i’u deshën shumë kohë që ta pranonin marrëdhënien e tyre. Megjithatë duhet të themi që tashmë ata janë bërë pjesë e përhershmë e showbiznesit. Getoari është 34 vjeç ndërsa Marina në 18 maj ka ditëlindjen e 26-të.
Emina Cunmulaj dhe Sam Nazarian
Ëndrra amerikane e Eminës nuk është dhe aq amerikane. Modelja e njohur shqiptare, pavarësisht karrierës së gjatë në Amerikë, lumturinë e gjeti tek filantropisti dhe biznesmeni i njohur iranian, Sam Nazarian. Emina është 32 vjeç ndërsa Sam është 41 vjec.
Elton Deda dhe Adela Prendi
“Më erdhe në ditë të dëshpëruar...” Kështu e nisi këngëtari Elton Deda rrëfimin rreth lidhjes së tij me Adelën. Adela Prendi, një studente e ekonomisë, është vajza me të cilën Deda ka nisur një lidhje prej më shumë se 2 vitesh. Ata kanë një diferencë në moshë rreth 20 vjet, por kjo nuk i bën aspak përshtypje këngëtarit të njohur për rebelizmat e tij.
Fatos Nano dhe Xhoana Nano
Xhoana Nano dhe ish-kryeministri i vendit kanë 11 vite diferencë megjithatë ashtu si edhe ajo vetë ka thënë, mosha për ta s’ka qenë aspak problem. Çifti u kurorëzua me martesë në vitin 2002 në një dasmë madhështore që u ndoq nga të gjithë, dhe tashmë ata kanë zgjedhur ta ndajnë jetën midis Tiranës dhe Vjenës.
