Pasi Tayna publikoi në YouTube “Freestyle,” Arta Bajrami postoi në Instagram këto fjali: “Freestyle??? Me msu vjershën përmendsh [sic] freestyle? Nooo.” Qartazi, ishte kunjë për Taynën, gjë që u vërtetua nga Blitz.al të cilët morën edhe një prononcim nga këngëtarja.
Arta sqaroi se nuk mund të quhet freestyle një tekst i parashkruar dhe i mësuar përmendësh. “Unë s’kam asgjë me artisten në fjalë, por kjo vlen për të gjithë ata që thonë se bëjnë freestyle,” shtoi Arta.
Me gjithë dashurinë që kemi për Taynën, Arta ka të drejtë. Me dhjetëra komentues e vunë re që teksti nuk po mendohej në moment dhe orkestrimi ishte tejet më cilësor se ç’është zakonisht në freestyle. Nga përkufizimi, teksti i improvizuar recitohet në moment, pa temë apo strukturë të përcaktuar.
Ideja është që kur dëgjon një freestyle, e kupton që është freestyle. Si përshembull këta në listën e “Freestyle-t më të mira shqiptare.” Vihet re që reperi ngec, zvarg fjalët, përsërit, mendohet, nuk godet në shenjë.
Nga ana tjetër, performanca e Taynës është perfekte. Kështu që, ndoshta kënga quhet “Freestyle?”
