Arilena Ara ishte e ftuara e puntatës së fundit të “Xing me Ermalin” (17 nëntor) ku ndër të tjera u ndal pak edhe tek mbështetja e prindërve në lidhje me muzikën. Për Arilenën, babai ka qenë mbështetja më e madhe dhe arsyeja pse zgjodhi rrugën e artit.
“Nuk kam folur kurrë, por do flas në emision pasi për mua është sa e shenjtë dhe private aq edhe...dua ta dijë gjithë bota. Unë kam patur një baba të jashtëzakonshëm.”
Më pas, mes lotëve, ajo vazhdon:
“Nuk kam folur kurrë pasi e di që do prekesha. Që kur kam humbur babin, kur dëgjoj fjalën ‘baba’ më vjen çuditshëm. Lumturohem shumë për njerëzit që kanë fatin ta kenë babain. Për mua ka qenë fat i madh dhe dua t’i them të gjithëve se ai ka qenë mbështetja ime më e madhe. E kam vazhduar muzikën vetëm prej tij. Shpresoj shumë që të jetë krenar për mua.”
Pa rrëfimit të Arilenës, në emision u transmetua një video nga koha kur ajo konkurronte tek “Gjeniu i Vogël” dhe i ati e shoqëronte përherë në skenë. Në një moment të tillë, këngëtarja u ndal pak ndër të tjera edhe tek pengu më i madh në jetë.
“A mund të them edhe një gjë? Unë kam një boshllëk shumë të madh. Dhe më vjen shumë keq që mbase nuk kam arritur asnjëherë që këtë boshllëk ta mbush dhe ta kthej në dashurinë e pafundme që duhet të kem për mamin tim. Jam akoma në kohë dhe do të përpiqem t’i jap gjithë dashurinë që kam për babin,” tregon ajo për të atin, të cilit 3 vite më parë i ka dedikuar edhe një këngë, “Vegim”.
