Është vetëm java e 4-ët e rubrikës “Kënga Magjike” tek “E diela shqiptare”, por pakënaqësitë e audiencës duket se kanë nisur herët.

Në foton e publikuar së fundmi nga Ardit Gjebrea, ku prezantonte artistët Big të radhës, moderatori u përball me “pakënaqësitë” e disa prej shikuesëve, sipas të cilëve nuk është e drejtë gara e artistëve të huaj me ata shqiptarë. Për më qartë, lexoni komentin:

“Mua nuk me pelqen fare kjo ideja e te sjellurit kenge te huaja ne Kenga Magjike! Nuk duhet te vihen ne gare artistet shqiptare me ato te huaj, sepse artistet shqiptare nuk i kane mundesite siç i ka nje artist i huaj!

Nje nder rregullat e kategorise Big , eshte qe artisti duhet te kete mbi 10.000.000 klikime ne YouTube qe te quhet Big. Artistja nga Spanja nuk i ka! Kompeticionet ku ajo ka marre pjese, nuk permenden ne rregulloren e KM qe te quhet BIG! Pse eshte BIG? Ju vete personalisht keni thene se KM i sherben muzikes shqiptare! Nje mision te tille nuk e shoh me! Nuk merr fame KM neper bote, nga kengetare te huaj qe skane bere emer ne vendin e tyre! Me vjen keq qe KM po prishet dhe po humbet interesin e artisteve shqiptare qe me te vertet jane BIG! Suksese gjithsesi!” [sic]

Një komenti të tillë, Gjebrea nuk ka vonuar t’i përgjigjet për të sqaruar më tej edhe të tjerë që mendojnë njësoj si komentuesi më lart.

“Është vetëm java e 4-t, ka edhe 7 të tjera deri në natën finale, ndërkohë që si mund të nxjerrësh konkluzione për artistët shqiptarë kur ti nuk e di ende se kush do jetë? Për më tepër ti mendon që unë do prish krijesën që dua më së shumti???

Sorry, por qetësohu pak dhe nëse nuk të pëlqen idea e këngëve të huaja në Festival, duhet të kuptosh që tashmë është një realitet. Ashtu siç më duket e çuditshme të shkruash që artistët shqiptarë nuk i kanë kushtet e artistëve të huaj.... Ky kompleks iferioriteti më duket i tejkaluar tashmë në të gjitja drejtimet. Sa për artisten spanjolle, mjafton ta dëgjosh live dhe e kupton pse është Big, pa folur për trofetë e saj...”

Edhe pas këtij sqarimi nga ana e tij, të tjerë kanë nisur të ankohen për cilësinë e këngëve, duke akuzuar se shumë prej këngëtarëve futen me miqësi. Edhe një kritike të tillë, Gjebrea ju përgjigj shkurt dhe shumë qartë:

“Kënga Magjike nuk e njeh konceptin miqësi dhe shoqëri!”- vazhdon ai, duke i kujtuar të gjithëve se Kënga Magjike, pas 20 viteve sukses ka nisur një kapitull të ri me rregulla dhe surpriza të reja.

Përveç faktit që artistët kanë kënduar live që prej të dielës së parë të transmetimit, ka ndryshuar edhe procesi i votimit.