Nën vazhdën e dramës, Arbenita Ismajli ka postuar bisedën e saj me një person në Instagram, që sipas fjalëve, lë të kuptohet se është motra e Feros, nga ana e babait. Sipas story-t që ka postuar Arbenita, motra e Feros i është përgjigjur postimit të saj të mëparshëm me listën e akuzave që hodhi Arbenita, duke i dalë në mbrojtje:
"Babai i tij është babai im biologjik. Ai [babai] i bëri të njëjtat gjëra nënës sime atëherë.
Saktësisht të njëjtat gjëra. Nuk e kam takuar kurrë as Feron dhe as babain tim biologjik. Nëna ime nuk donte. Kur u rrita, ajo më tregoi gjithçka dhe jam krenare për të që luftoi aq shumë për mua.
Qëndro e fortë dhe lufto për ju të dyja. Të lutem mos u thuaj asgjë atyre, nuk dua të kem asnjë lidhje me ta. Vetëm doja të ta thosha këtë dhe të të uroja forcë, sepse e kam ndjekur këtë gjë prej kohësh," pretendohet se i shkroi motra e Feros Arbenitës.
Arbenita iu përgjigj:
"Faleminderit shumë për mesazhin, shpresoj që mund ta postoj këtë, nëse është në rregull?
Më kujtohet që flisnin keq për nënën tënde, por nuk e kam ditur kurrë të gjithë historinë, ndaj vetëm dëgjoja."
Më pas, motra e Feros duket se i ka dhënë leje për ta postuar publikisht bisedën, por duke ruajtur privatësinë e identitetit të saj:
"Po, mendoj se do të të ndihmonte, thjesht për të theksuar atë që po kalon. A mundesh të mos përmendësh emrin tim? Nuk dua të kem lidhje me këtë... nëse e kupton ç'dua të them."
Më pas, në mbishkrimin e bidesdës së publikuar, Arbenita shprehet:
"Si i ati dhe i biri. Fatkeqësisht, disa njerëz nuk janë të fortë mjaftueshëm për të tejkaluar traumat që familja e tyre u ka dhënë. Një familje vërtet e sëmurë."
Shënim: Biseda apo historia familjare e zbuluar më sipër, vendoset në pikëpyetje përderisa nuk kemi në dispozicion prova të sigurta për vërtetësinë e tyre.
Ndërkohë, në rast se e keni humbur dinamikën e tensionuar mes Feros dhe Arbenitës:
