Anxhelina Hadërgjonaj ka postuar së fundmi një foto të sajën me flokë jeshilë. Ngjyra jo-natyrale është trend këtë vit, e bërë e famshme nga artistja amerikane Katy Perry e cila ka sjellë një variant më të ndezuar. Modelja dhe motra e Kim Kardashian, Kylie Jenner ka preferuar fije jeshile në vend të një boje uniformë. Edhe Kei$ha ka publikuar para disa ditësh në Instagramin e saj modelin e saj të ri, një përzjerje midis jeshiles së hapur dhe ngjyrës çiklaminë.
Përpara se të bëhej trend në masë, ishte Lady Gaga që mes dhjetërash prova të saj të guximshme të pamjes, zgjodhi të bënte për një kohë të shkurtër flokë jeshilë.
Jeshilja më e bukur: Në kokën e Auretës
Nëse do të provosh këtë ngjyrë e të mos dukesh punk, provo versionin klas të Aureta Themollarit, e cila për disa javë mbajti një version të errët të jeshiles. Kjo ngjyrë i rrinte më së miri me kombinimet dhe e paraqiste fashionistan me origjinë shqiptare, trendy dhe çuditërisht shumë elegante.
