Emma Watson publikoi një foto të Alan Rickman, pas vdekjes së tij ditën e enjte (lexo këtu). Por ajo çfarë shkruhej në këtë foto, hapi polemikë në media dhe publik. (foto 2)
‘Nuk ka asgjë të gabuar tek të qënit feminist. Mendoj se është në të mirën tonë të përbashkët’, ka qenë një nga deklaratat e Rickman, që luante rolin e profesorit Snapes tek ‘Harry Potter’ (foto 3), të cilën Emma e kishte vendosur krahas fotos së tij.
Ky shënim u kuptua si një shfrytëzim i këtij momenti në interesat e aktores, e cila është një ndër aktivistet më të përkushtuara të feminizmit dhe anti-seksizmit. Emma është një prej ambasadoreve të Shoqatës për Gruan të Kombeve të Bashkuara, dhe një mbështetëse e madhe e fushatës HeForShe (AiPërAtë) për barazi gjinore.
‘Të vlerësoj shumë Emma, por mos e shfrytëzo vdekjen e dikujt për t’i bërë publicitet veprimtarive të tua feministe’, shkruan një fans, ‘Kështu, nuk je më e mirë se politikanët’. Por shumë të tjerë, nuk janë treguar kaq të sjellshëm.
Burimi: DailyMail, PerezHilton; Përshtati: Genta Hodo
