Vanessa Hudgens dhe i dashuri i saj, lojtari i bejsbollit, Cole Tucker, janë fejuar! Pas raportimeve të shumta, çifti konfirmoi zyrtarisht lajmin emocionues në një postim të përbashkët në Instagram më 9 shkurt, gjashtë ditë pasi lajmi u publikua për herë të parë.
"PO. Nuk mund të ishim më të lumtur", shkruajtën Hudgens dhe Tucker në njoftimin e tyre, i cili përfshinte foto nga propozimi në Paris dhe një pamje nga afër të unazës mahnitëse.
Vieë this post on Instagram
Gjatë paraqitjes së saj në emisionin "Today" më 14 prill, Hudgens foli pak më shumë për fejesën e saj me Tucker, duke thënë se "e gjitha ndihet e mahnitshme". Ajo shtoi:
"Kam një ndjenjë sigurie dhe ndihem kaq e qetë. Është gjëja më e mirë që më ka ndodhur ndonjëherë. Më pëlqen të jem e fejuar."
Aktorja shtoi se e kishte ndjerë gjithnjë që Tucker ishte i duhuri. Ajo tha se pas fundjavës së tyre të parë bashkë, kishte telefonuar të motrën, për t'i thënë:
“Mendoj se sapo gjeta burrin tim të ardhshëm”.
Hudgens dhe Tucker janë bashkë nga dhjetori i vitit 2020, pasi i zyrtarizuan gjërat një muaj pas thashethemeve për romancë.
Ok, dyshja dhe pasioni i Hudgens për fejesën, po na bëjnë të fejohemi një orë e më parë. Na mungon vetëm unaza. Ah, po, edhe *ai*.
