Chloë Grace Moretz i ka dhënë fund beqarisë! Ajo dhe e dashura, Kate Harrison, 34 vjeç, janë martuar në një ceremoni private, pas 7 vitesh lidhjeje.
Sipas Vogue, Chloë Grace Moretz kishte veshur një fustan në ngjyrë bojëqielli nga Louis Vuitton, ndërsa Kate Harrison kishte zgjedhur ngjyrën e bardhë. Në ceremoninë e martesës, u përfshinë edhe aktivitete të ndryshme, si kalërimi, peshkimi dhe lojërat poker, për të ftuarit.
View this post on Instagram
Për “after-party”, aktorja zgjodhi një pamje tipike cowgirl, ku dominonte ngjyra e bardhë: një kapelë me strehë të gjerë, një xhaketë me prerje të veçantë dhe me elemente dekorative, si dhe pantallona elegante.
Dyshja e mbajtën të fshehtë zgjedhjen e veshjeve nga njëra-tjetra deri në momentin e ceremonisë.
Çifti, që kryesisht e ka mbajtur marrëdhënien larg syrit të publikut, u lidh për herë të parë në vitin 2018, kur u fotografuan duke u puthur pas një darke në Malibu.
Aktorja konfirmoi fejesën me modelen në albumin e fotove të vitit 2024, të publikuara në prag të Vitit të Ri.
