Foto: Amanada Seyfried, Julia Roberts/ Getty Images/ Reuters

Kur Amanda Seyfried u shfaq në Festivalin e Filmit në Venecia 2025 për premierën e filmit të saj të ri "The Testament of Ann Lee", fotografët mbetën të befasuar: aktorja kishte veshur të njëjtin kostum që Julia Roberts kishte prezantuar vetëm 48 orë më parë në të njëjtin festival.

Julia Roberts, 57 vjeçe, debutoi krijimet e para të drejtorit të ri artistik të Versace-s, Dario Vitale, për filmin "After The Hunt", me një xhaketë të zezë prej leshi, këmishë me vija dhe xhinse të drejta të kombinuara me rrip të zi dhe tokëz të artë.

Seyfried, 39 vjeçe, dukej po aq e magjepsur nga ky kombinim, dhe fatmirësisht, të dyja aktoret ndajnë të njëjtën stiliste, Elizabeth Stewart.

“Të lutem, më lejo të vesh të njëjtat rroba,” komentoi Seyfried në postimin e stilistes në Instagram që tregonte look-un e Roberts.

Dhe ja ku erdhi momenti i dytë i tapetit të kuq për të njëjtin veshje, këtë herë mbi Seyfried.

“Faleminderit @juliaroberts për bujarinë,” shkroi stilistja krahas fotove të dy klienteve të saj. “Të ndash është të kujdesesh!”

Dallimi i vetëm midis dy veshjeve ishte te këpucët: Roberts zgjodhi taka të mbyllura prej lëkure, ndërsa Seyfried preferoi sandale me rripa, duke i dhënë një prekje më të lehtë dhe verore look-ut klasik.

Stilistja Elizabeth Stewart nuk është e panjohur riveshjen e rrobave, një tjetër kliente e saj e njohur, Cate Blanchett, është "famëkeqe" për të rikombinuar veshjet e saj në tapetin e kuq disa herë, siç bëri edhe javën e kaluar me fustanin Armani Privé në premierën e filmit La Grazia në të njëjtin festival.