Njëri nga aktorët më të njohur dhe njëkohësisht më të dashur nga publiku brazilian, Domingos Montagner, ka humbur jetën pasi është mbytur në lumin ku po xhirohej televonela më e famshme vendase.
Montagner mbante rolin kryesor në serialin “Velho Chico”, i cili ka marrë emrin e lumit ku u mbyt aktori. Pasi kishin mbaruar xhirimet, ai kishte shkuar të notonte sëbashku me njërën nga aktoret. Rryma e fortë e lumit e tërhoqi deri në thellësi aty ku edhe humbi jetën. Ndonëse aktorja kishte bërtitur duke kërkuar ndihmë, policia vendase kishte menduar që kjo ishte thjesht një skenë e filmit. Disa orë pas ngjarjes tragjike, policia nxorri trupin e Domingos 300 metra larg vendit ku ishte mbytur.
Montagner është një nga aktorët më të njohur të telenovelave, i cili e nisi karrierën fillimisht si një aktor në cirk dhe më pas kaloi në televizion.
