Së fundmi, në një intervistë për "Prive" modelja Adrola Dushi preferoi t'u jepte përgjigje pyetjeve nga më të ndryshme. Njëra prej tyre, që konsistonte te njerëzit që nëna e re zgjedh t'i mbajë larg vetes, e lidhi ashtu tërthorazi me tradhtinë.
"E urrej tradhtinë. Jo vetëm tradhtinë në marrëdhënien me partnerin, por me njerëzit. Dhe kush më tradhton, futem në guaskën time dhe nuk dua as të sqarohem. Nuk dua më asgjë. Thjesht është një person shumë larg meje. Ka ndodhur shumë, jam lënduar ekstrem shumë, e kam përjetuar ekstrem shumë, por kalon."
Shkurt, nëse do të jesh pjesë e jetës së saj, ji besnik/e!
Më tutje, Dushi rrëfeu diçka më shumë rreth kësaj etape të jetës.
"Jam në një tranzicion. Akoma nuk di ku do jem, ku jam, çfarë do bëj, Troi, jeta ime, puna ime. E ndjej veten vetëm dhe më duhet të gjej rrugën time, Kjo është faza më e vështirë e jetës sime, realisht."
Po kështu, modelja deshifroi edhe emrin e saj të veçantë, Adrola, që s'është gjë tjetër veçse bashkim i emrave të dy vëllezërve të saj, Adi dhe Roland. Modelja nuk ka kursyer as edhe një këshillë për të gjithë të rinjtë:
"Ju lutem, lexoni dhe mësoni në shkollë. Un nuk kam lexuar, i lash anash dhe nuk e di çfarë ndodhi me mua. Lexoni sepse nuk ka asgjë më të mirë se të jesh i ditur, mbi gjithçka."
