Për shumë njerëz, ideja se mendimet dhe besimet tona kanë një ndikim të drejtpërdrejtë në realitetin tonë është një koncept që shpesh anashkalohet. Megjithatë, fenomeni i "self-fulfilling prophecy" (profecia vetëplotësuese) na tregon se si parashikimet që bëjnë ose që ndikohen nga të tjerët, mund të formojnë rezultatin e jetës sonë. A jeni ndjerë ndonjëherë si një peng i besimeve tuaja? Ja si mund të ndikoni në fatin tuaj duke ndryshuar mënyrën se si mendoni.
Si funksionon “profecia vetëplotësuese”?
Mendimet tuaja krijojnë një cikël që mund të jetë pozitiv ose negativ dhe ky cikël ka ndikim të drejtpërdrejtë në arritjet tuaja. Kur keni besime pozitive, ka më shumë mundësi që t’i arrini qëllimet tuaja.
Këto mendime pozitive funksionojnë si një forcë nxitëse që ju motivon të veproni. Pra, nëse besoni se jeni të aftë për të arritur një pozicion të lartë në punë, do të jeni më të gatshëm të punoni fort, të përgatiteni dhe të kërkoni mundësi për të përparuar. Ky qëndrim optimist jo vetëm që rrit besimin tuaj në vetvete, por gjithashtu të ndihmon të fitoni mbështetje nga të tjerët, sepse njerëzit zakonisht tërhiqen nga individët që shprehin energji pozitive.
Ndikimi në marrëdhënie
Besimet tuaja ndikojnë gjithashtu në marrëdhëniet tuaja. Nëse keni dyshime për besnikërinë e partnerit tuaj, ato dyshime mund t'ju bëjnë të veproni me mosbesim, duke e bërë situatën më të tensionuar. Ky mosbesim mund të krijojë një atmosferë të ngarkuar emocionalisht, ku komunikimi fillon të pësojë probleme dhe të dy partnerët ndihen të shqetësuar. Në vend që të diskutoni hapur për ndjenjat tuaja, mund të filloni të veproni në mënyrë mbrojtëse, duke shpërfillur ose duke akuzuar partnerin për gjëra që ndoshta nuk janë të vërteta.
Si të “ndryshoni lojën”?
Për të ndryshuar rezultatin tuaj, filloni me vetëreflektimin. Vlerësoni besimet tuaja dhe punoni për t’i transformuar ato në një mënyrë pozitive. Vendosni qëllime të qarta dhe mos lejoni që frika nga dështimi t'ju ndalojë. Rrethohuni me njerëz që ju inkurajojnë dhe mbështesin, sepse energjia pozitive është ngjitëse dhe mund të ndikojë thellësisht në motivimin tuaj.
Një tjetër hap i rëndësishëm është të praktikoni faljen e vetes. Shpesh, ne e lidhim vlerën tonë me suksesin ose dështimin tonë. Por kujtoni: Dështimi nuk është fundi është një mundësi për të mësuar dhe për të rritur.
Artikuj të sugjeruar:
