Kur një asteroid katastrofik goditi planetin Tokë 66 milionë vjet më parë, shkencëtarët menduan se krijesat që jetonin në Polin Jugor, u zhdukën. Por, një analizë e re tregon që edhe shumë gjallesa ujore në Antarktidë patën të njëjtin fat.
Shkencëtarët e universitetit “Leeds” dhe survejimet e bëra në Antarktidë kanë arritur të përcaktojnë origjinën e më shumë se 6000 fosileve. Ato datojnë 65 deri në 69 milionë të vjetra, pra rreth periudhës kur Toka u godit nga asteroidi. Fillimisht, shkencëtarët mendonin se gjallesat në këto zona të globit ishin shumë larg vendeve ku kanë ndodhur zhdukjet më të mëdha, por studimi vërteton që asteroidi i preku dhe ato.
Kërkimi po u jep studiuesve më shumë të dhëna rreth zhdukjeve masive që kanë ndodhur në planetin tonë në epoka të ndryshme. Sepse përpos zhdukjes së gjallesave në ekstremet polare, analiza jep shpjegim dhe për një nga fenomenet më të njohura: Zhdukja e dinosaurëve. “Dukshëm një katastrofë e papritur ka goditur tokën” ka thënë një nga profesorët e angazhuar në analizë. Më tej, zbulimet e bëra tregojnë që dinozaurët u zhdukën për shkak të një asteroidi që goditi Gjirin e Meksikos dhe jo nga ndryshimet klimaterike, siç mendohej më parë.
Burimi: CNN / Përshtati: Ergisa Bejkollari
