50 Cent i është rikthyer dramës së vjetër me Madonna-n, duke kritikuar trupin e saj gjatë performancës në turne me një milingonë. Reperi publikoi krahasimin e çuditshëm në Instagram.
Në mbishkrim, ai u shpreh: “Kush dreqin e bën këtë? Ajo është e pasur, si dreqin s’e rregullon (këtë?). Dua emrin e doktorit tani!”. Megjithatë, postimi i tij mori shumë komente negative. Njerëzit nuk e quajtën aspak shaka të bukur postimin e tij. “Është shumë e trishtë që një burrë sulmon një grua, duke e kritikuar për trupin. Turp të të vijë!”, shkroi dikush.
View this post on Instagram
“Unë pyes veten se kush të pyeti? Mjaft e bullizove mbretëreshën e popit”, u shpreh dikush tjetër.
50 Cent dhe Madonna kanë një histori me një debat të vjetër online, i cili ka nisur po ashtu nga reperi. Në nëntor të vitit 2021, ai u tall me Madonna-n me një seri fotosh të cilat ku ajo pozonte në krevat. “Kjo është shumë qesharake. Madonna, në shtrat, duke bërë si virgjëreshë në moshën 63-vjeçare”, shkroi ai.
Madonna u kundërpërgjigj me një reagim në Instastory ku publikoi një foto të sajën me reperin e “P.I.M.P”. Madonna shkroi: “Ja ku është 50 Cent, duke u shtirur si miku im. Tani ke vendosur të flasësh për mua. Mendoj se karriera jote e re është të marrësh vëmendje duke u munduar që të turpërosh të tjerët në rrjetet sociale”, tha ajo asokohe.
Më pas, 50 Cent i kërkoi ndjesë në X (Twitter), por Madonna nuk e pranoi ndjesën. “Ndjesa jote është e rreme, budallallë dhe nuk është e vlefshme”, shkroi ajo.
“Një kërkesë faljeje nuk është e vlefshme nëse ti s’e di se për çfarë po kërkon ndjesë. Ti duhet të kërkosh ndjesë për mizogjininë dhe seksizmin e treguar”, tha ajo dhe mesa duket, egoja e 50 Cent s’e ka pritur mirë këtë përgjigje. Një vit më vonë, ai u tall sërish me ikonën e popit, duke publikuar një video të sajën. Ai riktheu të njëjtën batutë, duke u shprehur se gjyshja do të sillet si virgjëreshë në moshën 64-vjeçare.
