Photo Credits: Whitney Taylor/ Pinterest

Me kalimin e viteve, gratë fitojnë më shumë vetëbesim, përvojë dhe hijeshi, por trupi (dhe flokët!) fillojnë të kërkojnë një kujdes pak më të madh. Pas të 30-ave, shumë gra vënë re ndryshime si rrallim i flokëve, humbje e volumit dhe natyrisht, shfaqja e thinjave.

Nuk është fundi i botës, është thjesht një fazë e re që kërkon një rutinë më të zgjuar. Për këtë arsye, ekspertët për kujdesin ndaj flokëve ndajnë 5 këshillat kryesore:

1. Fillo nga brenda: ushqimi ndikon direkt në flokë

Pas të 30-ave, flokët mund të duken më të brishtë dhe për këtë arsye, ajo që hamë ka më shumë rëndësi se kurrë. Ekspertët rekomandojnë një dietë të pasur me proteina, karbohidrate të shëndetshme dhe mikronutrientë si zinku, seleni, vitaminat B, D dhe magnezi.

Nëse dyshon për mungesë vitaminash, konsultohu me mjekun përpara se të fillosh suplementet. Shumë gra mendojnë se biotina është përgjigjja për çdo problem me flokët, por e vërteta është se sasia e tepërt mund të dëmtojë, jo ndihmojë.

2. Kujdes me pajisjet e nxehtësisë dhe si i përdor ato

Stilimi me nxehtësi (si piastrat dhe tharësja) mund të dëmtojë strukturën e flokut me kalimin e kohës. Ekspertët thonë se duhet t'i ndërroni pajisjet çdo 5 vite, pasi pajisjet e vjetra shpesh humbasin kontrollin e temperaturës dhe djegin flokun.

3. Mos u lidh emocionalisht pas një shampoje

Shampoja dhe balsami që ke përdorur në të 20-at, nuk janë më domosdoshmërisht të duhurat pas të 30-ave. Flokët mund të bëhen më të hollë ose më të thatë, prandaj produktet duhet të përshtaten me gjendjen aktuale të tyre.

4. Përshtat produktet e tjera sipas nevojës

Përveç shampos, duhet të rishikosh edhe produktet si spraji mbrojtës nga nxehtësia, spraji për volum ose produktet për stilim. Çfarë ka funksionuar në të 30-at e hershme, mund të mos funksionojë tani.

Ekspertët thonë thotë “Mund të duhet të shtoni produkte për volum ose të ndryshoni krejtësisht rutinën. Mos kini frikë të provoni diçka të re.”

5. Mos e shty prerjen – flokët e gjatë e bëjnë më të dukshëm rrallimin

Edhe pas të 30-ave, prerjet e rregullta janë thelbësore. Flokët e gjatë që nuk kanë formë dhe janë të dëmtuar i nxjerrin në pah më shumë ndryshimet që vijnë me moshën, sidomos nëse po përjeton rrallim.

Ekspertët këshillojnë: “Mos u fiksoni pas flokëve të gjatë nëse i keni të rrallë. Prerjet më të shkurtra e bëjnë flokun të duket më i plotë, më i fortë dhe më i shëndetshëm.”

_{Burimi: Glam}