Të famshmit ne mund t’i dëgjojmë, t’i admirojmë përmes daljeve të tyre publike, intervistave dhe fotove, por ka diçka që nuk mund ta bëjmë: t’i prekim apo t’i nuhasim!

Gjatë ceremonisë së çmimeve Golden Globes, në minutazhin e reklamave, kamerat fiksuan një moment kur Emma Stone nuk “ngopet” me aromën e Jennifer Aniston. Aktorja pati një shans për të përjetuar nga afër aromën e yllit të “Friends”, teksa në video dëgjohet të thuhet: “Çfarë është? Çfarë është kjo? A është aroma që ke gjithmonë?” Jennifer e konfirmon, ndërsa aktorja vijon të mahnitet nga aroma e mirë e saj.

Momenti u kap në video dhe u shpërnda me TikTok, ndërsa komentet e njerëzve ndërthurur edhe me kuriozitetin për aromën e Aniston vijnë si dëshmi për të shkuar përtej kësaj videoje. E thënë me fjalë të tjera, njerëzit duan të dinë se çfarë fshihet pas aromës së aktores së famshme.

Ja katër teoritë që po qarkullojnë:

Teoria # 1: Parfumet e Aniston

Në vitin 2010, aktorja Jennifer Aniston nxori një linjë aromash me emra si Jennifer Aniston, J by Jennifer Aniston, Near Dusk, Beachscape dhe Luxe. Që nga ajo periudhë, shitja e këtyre parfumeve është ndërprerë disa herë, por me siguri Aniston e ka ruajtur në shtëpi ndonjë shishe nga linja e saj e parfumeve.

Teoria #2: Një tjetër parfum që i pëlqen

Sipas Women's Health, aktorja ka një tjetër parfum të preferuar, Anais Anais nga Cacharel.

Teoria #3: Produktet për kujdesin e flokëve

Aktorja e famshme ka edhe një linjë për kujdesin e flokëve, e nëse i referohemi disa intervistave që ajo dhënë për People, një nga produktet që ajo përdor për flokët ka një super aromë.

Teoria #4: Është thjesht aroma e trupit

Ndoshta, lëkura e saj ka erë shumë të mirë sepse ajo është Jennifer Aniston!

Nuk dihet nëse dikush mund të konfirmojë ose mohojë një nga këto mundësi, por ju mund të sugjeroni hipotezën e radhës!

Burimi: Glamour