Muaj më parë bëri bujë deklarata e Robert Berishës, i cili i ftuar te “Rudina” u shpreh se “Ne nuk ishim në festën e nipit dhe i kërkoj falje Patrisit, por nuk do të jemi në asnjë gëzim familjar për shkak të Tunës. Shpresoj që Tuna të bëhet një nënë e mirë.”

Për herë të parë, pak kësaj deklarate të Robertit dhe asaj në “n’Kosovë show”, Patris Berisha reagoi të shtunën duke u shprehur ndër të tjera:

“Ne themi me shaka ‘Vëllau si shkjau’ kur do ta nënçmosh serbin, i themi shkjau dhe e kemi me shaka këtë. Vëllai ka vendin e vetë, gruaja vendin e vetë. Unë kam familjen time, për mua me rëndësishme është gruaja dhe djali im se çdo gjë tjetër në botë. Tuna dhe Tiani janë dy personat më të rëndësishëm në jetën time, me gjithë respektin për të gjithë familjarët.”

Ditën e sotme, në emisionin “Rreze Dielli”, Roberti foli rreth gjithë çka u tha nga i vëllai, për situatën e krijuar.

“Janë disa thënie të këtij lloji në Kosovë dhe e kam menduar si shaka duke qenë se e njoh Patrisin shumë mirë, është çun shumë i mirë dhe pozitiv. Patrisi e tha atë që duhet me thënë. Mua m'u dukën shumë mirë aty dhe shpresoj që t'i shoh gjithë jetës mirë. Secili ka familjen e vet.”

I pyetur nëse është mërzitur nga fjalët e të vëllait, Roberti është përgjigjur me “Jo”.

“Jo, unë e di të vërtetën, e di sa jemi të lidhur ne familjarisht brenda shtëpisë së Berishajve. Nuk është puna që e kemi përjashtuar Tunën, por siç tha dhe Patrisi, brenda Berishajve të gjithë e dinë, janë disa komente në Youtube, ka dokumente. Nuk kënaqem prej komenteve sepse mua më duken shumë të mirë, por ka ca komente të njerëzve që më njohin mua më herët dhe e dinë çfarë kam bërë për familjen, për vëllain, që duhet ta bëjë secili për familjen e vet. E vërteta gjithmonë del. Unë besoj që i kemi dhënë fund me të gjitha këto. Ndoshta edhe unë kam bërë gabim, por unë iu uroj shumë sukses, shëndet çunit të tyre dhe besoj që me këto i mbyllim të gjitha këto muhabete.”