Nga një sondazh në faqen tonë në Facebook, nga 147 përgjigje brenda një ore, rezultoi se linja e shampove të flokëve Pantene është më e preferuara e vajzave shqiptare dhe nga komentet e tyre kuptohej se përdoruesit e Pantene kishin një besnikëri shumë-vjeçare ndaj kësaj marke. Nga një kërkim në faqet online të supermarketeve shqiptare, pamë se shumica e shampove Pantene kushtojnë rreth 380L të reja.
Shampot më popullore, ato të supermarketeve.
Në top-10të listës së shampove më të pëlqyera, bien në sy linja të famshme që tregtohen në supermarkete si Head and Shoulders, linja e laboratorit Garnier, Gliss, Syoss, Biolage, Herbal Essence, Dimension apo Elvive nga L’oreal. Këto shampo variojnë nga 150-400 L.
Yves Rocher kryeson tek shampot natyrale dhe/ose organike.
Një pjesë e vajzave preferojnë t’u drejtohen dyqaneve specifike që tregëtojnë shampo me përmbajtje natyrale ose organike. Linjat e dyqaneve të markës franceze Yves Rocher frekuentohen më së shumti, duke u ndjekur nga dyqanet Bottega Verde dhe Fresh Line që gjenden në kryeqytet.
Keni dëgjuar për Alexandra Organics?
Një hyrje interesante është edhe ajo e linjës Alexandra, ku shumë vajza u shprehën se janë mjaft të kënaqura. Ne kërkuam për këtë linjë në bazë të sugjerimeve dhe gjetëm një faqe në Facebook “Alexandra Organic” që tregtonte atë çfarë kuptuam se ishin produkte hand-made organike për flokët. Gjithashtu kjo markë ka edhe një dyqan në kryeqytet.
Të tjera produkte flokësh natyrale të përmendura nga komentuesit janë si më poshtë:
Davines/ Aveeno/Apivita/ John Masters Organic. Një vajzë përmendi një shampo specifike me bisht kali apo me hudhër për forcimin dhe zgjatjen e flokëve.
Phyto dhe Kerastasse, më të dëshiruarat.
Të dyja këto shampo të famshme që tregtohen në farmaci dhe sallone bukurie janë gjithashtu të preferuara, por disa vajza theksuan pamundësinë për t’i blerë vazhdimisht për shkak të çmimit më të lartë se shampot e supermarketit edhe pse shtuan se i kanë në listë për t’i përdorur në të ardhmen.
Dimension, shampo më e lirë. Ose sapuni.
Komentuesit që përmenden Dimension sqaronin faktin që e përdornin këtë shampoo për shkak të çmimit të lirë prej 1500 Lekësh. Disa të tjerë pohuan se përdorin sapunë, disa prej çmimit dhe disa prej faktit se flokët e tyre ndiheshin më mirë me to.
