Rreth një orë më parë moderatorja shqiptare Dojna Mema ka publikuar në profilin e saj në Instagram një video promovuese të emisionit që ajo vetë moderon. Bëhet fjalë për “Pop Culture” në ekranin e Top Channel, emision në të cilin këtë javë është i ftuar Arian Çani.
Gjatë intervistës Dojna duket se e ka pyetur Çanin se kë do të zgjidhte ai si bashkëprezantues për emisionin e tij?
“Ty, sinqerisht.”
Kështu i është përgjigjur drejtuesi i “Zonë e lirë” pyetjes së moderatores.
Pas kësaj biseda ka vazhduar me Dojnën që e ka pyetur Çanin nëse në një rast të tillë e ka ai ndër mend të vijë në “Top Channel”, pasi siç nënkuptohet moderatorja nuk e ka ndër mend të lëvizë nga ekrani i këtij televizioni.
Ndërsa në fund, të dy e kanë cilësuar bashkëpunimin mes tyre si një tmerr të vërtetë, ndërkohë që Dojna ka treguar se ajo vetë ka kuptuar se ka shumë të përbashkëta ka me Arian Çanin.
