Policia e Vlorën ka vënë në pranga një 17-vjeçar banues në Kocul të Selenicës, pas publikimit të fotove makabre në rrjetet sociale. Djali me inicialet B. H kishte publikuar 2 video që tregonin pamje të një qeni të vrarë nga qeni i tij i racës Pitbull, duke ngritur menjëherë alarm tek njerëzit që e kishin parë.
Ai kishte filmuar qenin e tij teksa përleshej me qentë e tjerë dhe e kishte shpërndarë në internet, duke shfaqur publikisht pamje çnjerëzore. Lidhur me këtë ka reaguar edhe Ministria e Bujqësisë, duke kërkuar marrjen e masave të menjëhershme.
Pas denoncimit, Policia ka identifikuar dhe gjetur djalin duke e shoqëruar në polici.
Burimi: Panorama
