Aktori amerikan James Ransone, i njohur më së shumti për rolin e tij në serialin e famshëm “The Wire”, ka ndërruar jetë në moshën 46-vjeçare.
Ransone u bë i njohur për interpretimin e Ziggy-t, personazhit të ngathët dhe kaotik, në sezonin e dytë të dramës kriminale, e cila konsiderohet si një nga serialet televizive më të vlerësuara të të gjitha kohërave.
Zyra e Ekzaminimit Mjekësor të Los Anxhelosit bëri të ditur se Ransone u nda nga jeta të premten. Sipas burimeve të CNN aktori kreu vetvrasje.
Bashkëshortja e tij, Jamie McPhee, me të cilën kishte dy fëmijë, ndau një mesazh emocional në rrjetet sociale, ku shprehu dashurinë dhe mirënjohjen për familjen që kishin ndërtuar së bashku.
Në karrierën e tij, Ransone u shfaq edhe në prodhime të tjera si “Prom Night”, "It: Chapter Two", “The Black Phone”, “Law & Order” dhe “CSI: Crime Scene Investigation”.
