Katy Perry duket se po jeton një “ëndërr adoleshentësh” në romancën e saj të re me ish-kryeministrin kanadez Justin Trudeau, që nënkupton edhe takime me liderë botërorë.
Fatkeqësisht, këngëtarja bëri një gabim mode për të cilin interneti nuk pushoi së komentuari. Në një postim të shpërndarë nga ish-kryeministri i Japonisë, Fumio Kishida, ai dhe bashkëshortja e tij shihen duke pozuar pranë Justin Trudeau-t dhe Katy Perry-t.
Ndërsa të gjithë të tjerët janë veshur në mënyrë konservatore, Katy Perry kishte veshur një nga veshjet më të papërshtatshme: një fund shumë të shkurtër, geta transparente dhe çizme lëkure të gjata.
Pasi Trudeau e ripostoi publikimin, interneti pati shumë për të thënë për pamjen e yllit të popit. “A nuk di aksesori yt i famshëm si të vishet për një event protokollar?” shkroi një komentues. Një tjetër tha: “Nuk u mundua fare të vishte një veshje profesionale.” Ndërsa një përdorues tjetër ironizoi: “Nuk munde t’i blije Katy-t një fund të plotë?”
Nga ana e saj, Katy Perry dukej e pavetëdijshme për gjithë reagimet negative rreth minifundit. Dy ditë pas takimit, ajo bëri publike zyrtarisht lidhjen e saj me Trudeau-n përmes një galerie fotosh në Instagram. Fotografitë përfshinin çiftin duke shijuar ushqimin vendas dhe pamjet turistike, përfshirë një ndeshje mundjeje sumo.
Katy Perry e ka “thyer” shpesh internetin me veshjet e saj provokuese, por fansat e “American Idol” menduan se fustani i saj i majit 2024 ishte krejtësisht i papërshtatshëm. Në një postim në X, një shikues publikoi një pamje të fustanit të zi me shkëlqim të Perry-t, i cili kishte një dekolte të thellë dhe prerje në kërthizë dhe anash.
“Çfarë dreqin po (zh)vesh Katy Perry sonte në ‘American Idol’? Më duket sikur ka nëna në gjithë Amerikën që po u mbulojnë sytë fëmijëve,” shkroi ai. Një fans u përgjigj: “A nuk supozohet se ky është një program familjar?”
