Në një kohë kur ditën e djeshme, gjatë një sekuence në “E diell”, moderatorja Fjoralba Ponari u shpreh rreth debatit me Olti Currin se nuk lejonte njeri të shtrembëronte imazhin e saj, përmes dy postimeve në Instagram Story ka reaguar vetë Curri. Pak orë më parë, Olti shkroi:

“Imazh!!! Një mirazh nuk bëhet kurrë imazh! Shikoj që Fjoralba ende gëzon dhe flet për ngjarjen më të rëndësishme të jetës së saj profesionale (sa fjalë e madhe profesion). Ngjarja që e bëra të famshme se deri në atë kohë qëndronte (çështë e vërteta me dinjitet) mes turmës së vajzave të ekranit. (Kur flitej për emisionin në mesin e publikut, gazetarëve dhe bloggereve ishte: Ajo bjondja që del me Manushin dmth jo Marina ajo tjetra.) Edhe sot që po e përmend po e nxjerr prap nga turma, ku do t’i kthehet përsëri për të mos u nxjerrë më kurrë”, 

Më tutje vazhdoi:

Por le t’i rikthehemi debatit dhe të sqarojmë fije për pe se ç’ka ndodhur gjatë kësaj kohe me dyshen Curri- Ponari. Siç ju bëmë me dijeni në hyrje të artikullit, në një sekuencë të djeshme të “E diell”, producentja Dalina Buzi u ftua të improvizonte një takim të ngjashëm me një intervistë pune për të zgjedhur vajzën e gjashtë të “Hostel by Anabel”. Personazhet që morën pjesë në lojë qenë moderatoret e “E diell”, përfshirë këtu edhe Fjoralba Ponarin.

“Ishte një debat me Olti Currin. Reagimin e parë e kuptova, por reagimi i dytë mua m’u duk pak i tepërt” u shpreh Buzi referuar faktit që të tilla komente do të jenë të pranishme gjithnjë për aq kohë sa bëhet fjalë për personazhe publike, e sidomos njerëz të ekranit.

“Nuk dua ta trajtoj si rast specifik, sepse mendoj që kam marr mjaftueshëm vëmendje nga kjo gjë,” u përgjigj Fjoralba. “Komente negative ka pasur edhe përpara këtij rasti edhe gjatë këtij rasti, të cilat nuk më kanë penguar që të vazhdoj drejt suksesit që aspiroj. Përsa i përket rastit në fjalë, unë nuk lejoj që një njeri të shtrembëroj imazhin tim duke u kapur, duke cunguar një lapsus, një gabim njerëzor për përfitimet e tij vetjake. Këtu është limiti. Një vakt e hëngri prej meje dhe aty u mbyll.”

Në fund, Buzi e mbylli dialogun duke theksuar se të tilla komente nuk ndikojnë aspak për keq, aq më tepër kur vijnë nga njerëz që dëgjohen.

Në fillim të majit, Olti Curri publikoi një fragment disa sekondësh të Fjoralba Ponarit në skenën e “E diell,” ku ajo dëgjohet të thotë, “sot, të jesh e bukur nuk është thjesht çështje fati. Është çështje profesionalizmi.” Fill pasi fjalia ndërpritet këtu, Curri ironizon deklaratën duke thënë se një shofer është i bukur si një gomë rezervë, një këngëtar është i bukur si një mikrofon[...]”.

Deklarata në fjalë vijon kështu: Sot, të jesh e bukur nuk është thjesht çështje fati. Është çështje profesionalizmi, është të zgjedhësh klinikën e duhur.

Ponari nuk ngurroi të reagonte në komente dhe për t’ju lehtësuar punë ju dhe për të mos i ndërlikuar punë vetes me deklarata të drejta e të zhdrejta, ja ndërveprimi:

Ponari: E mo, po mos i prit sipas qejfit videot promocionale.
Curri: Prite, qepe si të duash. Lapsusi ishte yll.
Ponari: Çështja është se po ta ofroje të plotë, s’do të kishe ç’të ironizoje këtu e ç’të kënaqje popullin.
Curri: Me thënë të drejtën, kaq sa ke thënë mjafton. Nuk ka rëndësi çfarë ke thënë në vazhdim sepse lapsusi është në këtë që thua. ‘Fatmirësisht, sot, të lindesh e bukur nuk është vetëm çështje fati, është edhe çështje profesionalizmi.’ Sipas teje, të lindesh e bukur nuk është vetëm fat, por edhe profesionalizëm? Si lind i bukur me profesionalizëm? Duke ndërhyerë në laboratorët e gjinekologjisë në ADN? Nëse ishe duke i bërë reklamë laboratorëve të paligjshëm të ndërhyrjes në gjenetikën njerëzore, atëherë tërhiqem.

Më pas, Ponari iu drejtua ndjekësve të saj në Instagram për një sqarim të fundit. “Të sqaroj pak dhe mesazhet që vijnë nga videoja e Oltit. Kujt mund t’i ketë shpëtuar, le të shkojë të argëtohet pak. Histori e gjatë, thënë shkurt, unë bëj një lapsus që në vazhdim sqarohet dhe jepet ideja e gjësë që supozohej të prezantoja. Por, qimja bëhet tra si zakonisht dhe videoja normalisht do të humbiste efektin parodik, kështu që, e gjymtojmë. Kjo bën një të mirë ama. Gjithë njerëzinë e palumtur i bën tok, argëtohen duke ofenduar. Propagandojmë lart e poshtë antibullizmin pastaj!” shkroi ajo.

Pas reagimit të Fjoralbës në InstaStory, Olti shkroi:

“Unë kujtova se vajza ka bërë lapsus nga shpejtësia, jo nga padituria. Bullizëm? As në Google nuk di vallë të notojë se me librat kushedi kur është përballur për herë të fundit. Bullizëm është rasti i asaj vajzës së ndjerë që u nga nga jeta para pak ditësh prej dhunës dhe kërcënimeve, nuk është humori në Instagram, Portokalli apo Duplex me njerëzit e ekranit. Kujdes me termat që hapin plagë, injoranca thonë italianët është bekim, po në këtë rast është mallkim.”

Më pas, moderatorja reagoi sërish:

“Ty turp të të vijë që sjell raste tragjike si ai i së ndjerës në këtë mes, për diçka që është mes meje dhe teje; flet dhe për plagë sociale pale. Ndërsa rasti i debatit, ku unë kthehem në tabelë ofendimesh nga më të rëndomtat, ushqyer fillimisht nga “humori” yt, si njeri që ke influencë, quhet bullizëm kibernetik. Të fton të hapësh literaturat që të kuptosh gjithëkuptimet e termit që i trembesh aq shumë. Me këtë rast kupton kush është i palexuari në këtë mes. Këtu mbyll çdo lloj replike me ty!”