12 vajza janë gjetur në shtëpinë e një 51-vjeçari në Pensilvani i cili akuzohet se ka abuzuar me të paktën njërën prej tyre për 3 vite. Sipas mediave vendase, vajzat që janë gjetur janë të moshës nga 6-muajshe deri në 18 vjeç. Vajza 18-vjeçare, pas abuzimeve të Lee Kaplan, ka sjellë në jetë dy prej fëmijëve që janë gjetur në shtëpinë e të akuzuarit.
Policia ka arrestuar dhe nisur hetimet për Daniel dhe Savilla Stoltzfus, prindërit e 18-vjeçares, pasi thuhet se ajo i është dhuruar 51-vjeçarit kur ishte 14 vjeç. Në shtëpi nuk është gjetur asnjë dokument në lidhje me viktimat e abuzimit tronditës dhe autoritetet po përpiqen të përcaktojnë identitetin e tyre dhe të zbulojnë prindërit e secilës. Alarmin për këtë ngjarje e ka vënë një prej fqinjëve të Kaplan, që shumë rrallë, kishte vënë re praninë e disa vajzave të vogla në shtëpinë e tij.
Burimi: Independent/ Përshtati: Kristi Tashi
