Një kompani e njohur në prodhimin e veshjeve ka hedhur në treg të tilla, për njerëzit me nevoja specifike.
Në prezantimin e këtij koleksioni kjo markë ka përdorur për modelë njerëz me të tilla nevoja, për të dhënë mesazhin se gjithçka është e mundur nga kushdo.
Stilistja që ka punuar për krijimin e këtij koleksioni ka treguar në një intervistë për BBC se qëllimi i kësaj nisme është ta bëjë modën lehtësisht të ndjekshme nga kushdo.
Sipas saj nuk është aspak e rëndësishme të qenit e kolme, e dobët apo me nevoja specifike, nëse dëshiron të vishesh mirë mundesh. Veshjet në fjalë janë komode dhe të lehta për t'u veshur.
Çmimet e veshjeve të koleksionit variojnë nga 15 deri në 50 paundë britanikë dhe janë të përballueshme nga xhepi i gjithëkujt.
Ndonëse kjo është tentativa e parë për të krijuar një linjë veshjesh për personat me aftësi specifike, nisma ka gjetur mbështetjen e shumë individëve.
