Ndërsa ende po e procesojmë albumin e ri me 12 këngë të Taylor Swift, “Life of a Showgirl”, dalin të tjera detaje në dritë. Taylor, e ftuar speciale në podkastin “New Heights”, i cili moderohet nga i dashuri i saj, Travis Kelce dhe vëllai i tij, Jason, foli ndër të tjera edhe për përfshirjen e ngjyrës portokalli në albumin e 12-të.
“Gjithmonë më ka pëlqyer, Jason,” i tha Tay, Jason Kelce-it. “Është një ndjesi energjie që më duket si jeta ime tani dhe ky album ka të bëjë me atë që po ndodhte pas skenës në botën time të brendshme gjatë këtij turneu, i cili ishte kaq i gëzueshëm, elektrik dhe plot gjallëri.”
Fituesja e çmimeve Grammy foli gjithashtu për një ‘sinjal’ që i dha botës, i cili sigurisht, zgjoi kuriozitetin e fansave të saj. Në shfaqjen e fundit të turneut ERAS, Tay doli nga një derë portokalli.
“Çdo natë unë largohesha nga skena duke zbritur me ashensor. Kështu mbyllej çdo shfaqje e “ERAS”, përveç njërës, asaj të fundit, ku dola përmes një dere portokalli,” tha Taylor, duke shtuar: “Dhe kjo në fakt ishte një “ndihmë”. Arsyeja pse zgjodha të dilja në atë mënyrë ishte sepse doja t’u jepja fansave një sinjal të vogël se po largohesha nga epoka e turneut “ERAS”, por gjithashtu po hyja në një periudhë të re... U gëzova shumë që e vunë re. Mendova se i kam trajnuar mirë”, përfundoi ajo.
“The Life of a Showgirl” do të publikohet më 3 tetor dhe që tanimë, fansat e këngëtares janë tejet entuziastë.
-
-
-
Surprizë! Taylor Swift zbulon se do të sjellë albumin e radhës!
12 Gusht, 13:41
