Ashton Kutcher priti katër vite për të shpjeguar një herë e mirë kuptimin e deklaratave që ai dhe Mila Kunis thanë në vitin 2021.
Thashethemeve se çifti zor se bën dush duhet t'i vijë fundi. Aktori mori një pjesë të kohës teksa fliste për People, për të vërtetuar të kundërtën duke thënë se ishte çmenduri çdo gjë që dëgjoi gjatë asaj periudhe.
“Ishte gjëja më e çmendur e të gjitha kohërave, bëmë një koment në një moment dhe njerëzit nisën të pyesnin: ‘A mban erë? A kundërmon?’”
Ai reagoi i habitur ndaj atyre që kishte dëgjuar.
“Një koment në një podkast, shumë vite më parë…dhe njerëzit thonë: ‘Ata nuk bëjnë dush.’ Unë shtanga dhe po mendoja me vete: ‘Unë bëj dush, shkoj në palestër, bëj dush.’”
E gjithë kjo histori filloi në vitin 2021, gjatë një interviste në podkastin "Armchai Expert", kur ai dhe Mila Kunis bënë disa komente mbi zakonet e larjes së fëmijëve.
Ndër të tjera, Mila Kunis tha se gjatë fëmijërisë nuk lahej shpesh dhe Ashton Kutcher u shpreh se pastronte sqetullat dhe zonën intime çdo ditë dhe asgjë tjetër.
