Kim Kardashian mbeti pa fjalë kur mësoi se Jennifer Lopez do t’i bashkohej shtëpisë së saj për të parë një film të gjitha bashkë. Në fakt, kush s’do të mbetej?

Diva e muzikës ka qenë në familjen e famshme, ku gjithashtu është bashkuar edhe këngëtarja Sia. Imagjinojeni pak!  Të gjitha në një shtëpi të vetme ku duket se ka munguar vetëm një tapet i kuq.

Pas ardhjes së Lopez, Kim ndau emocionet e saj në një video në Instagram.

“Kurrë në jetën time s’e kisha menduar që idhulli im do të vinte për të parë një film në shtëpinë time. Frymëzimi im në gjithçka ka qenë Jennifer Lopez. Do shihja ç’kishte veshur, si ishte lyer apo si i kishte bërë flokët. Isha e fikuar pas vaniteteve vetëm prej saj.”- thotë Kim dhe ne ja besojmë çdo fjalë.

“Nuk e mendoja kurrë që do të ishte kjo jeta ime.-shtoi ajo dhe në sfond dëgjojhet e qeshura e Lopez. Kam qenë gjithnjë fansja e saj. Ëndrrat realizohen miq!”

Ardhja e yllit të Hollywood-it duket se ka entuziamuar gjithë shtëpinë. Kris Jenner gjithashtu ka postuar një video me të duke e quajtur si natën më të bukur.

Dhe kush mund t’i fajësojë për gjithë këtë entuaziazëm. Imagjinoni për një çast t’ju bjerë dera dhe të shihni se ai që troket është idhulli juaj që do të shohë një film me ju. Oh Kim, të ndjejmë!