Kombëtarja Shqiptare nën udhëheqien e Gianni De Biasi-t nuk po pretendojnë më vendin e dytë. Edhe pse UEFA ka dhënë një mundësi kualifikimi për 4 ekipet më të mira të vendeve të treta (shiko këtu) Shqipëria do të ketë konkurrencë të vështirë, edhe nëse e fiton ndeshjen me Rumaninë.
Megjithatë ka fitore të cilat kanë domethënie tjetër, si përshembull thyerjen e një 'mallkimi'. Kështu njihet për Kombëtaren Shqiptare ekipi i Rumanisë; që prej vitit 1948, Shqipëria nuk ka mundur të fitojë kurrë ndaj Rumanisë!
Por ndërsa shpresojmë të na japë fat një stadium jashtë Shqipërisë apo Rumanisë- Ai i Lionit, Kombëtarja Shqiptare do të vuajë disa mungesa- Burim Kukeli nuk do të jetë në fushë për shkak të kartonave; Naser Aliji ka pësuar një tërheqie muskulare, dhe mësohet se nuk do të jetë as Taulant Xhaka. Edhe pse pas 2 ndeshjeve duhej të kthehej në fushë, Lorik Cana nuk do të jetë në përballjen me Rumaninë, si një lëvizje strategjike e De Biasi-t.
As bastet online nuk na japin shumë besim, ndoshta edhe nisur nga statistikat e humbjes së Shqipërisë ndaj Rumanisë për 67 vite me radhë. Por si të gjitha herët kur kemi luajtur kundër çfarëdolloj ekipi; Portugalia, Norvegjia apo Franca, djemve kuq e zinj do t'u duhet të dalin përmbi pasiguritë dhe mungesën e besimit- a nuk e arritën këtë kur u kualifikuan për herë të parë në Euro 2016?
Burimi: Panorama Sport; Balkanweb/ Përgatiti: Genta Hodo
