Ndarja e saj me bashkëshortin bëri bujë, duke qenë se ishin një nga çiftet më të përfolura të shoë-biznesit. Soni Malaj dhe Mirko u njohën në “Dancing with the Stars” dhe nga martesa e tyre lindi dhe një vajzë, Ana. Por, dy vite pas celebrimit, çifti vendosi t’i jepte fund martesës së tyre. Që atëhere, Soni nuk kishte folur asnjëherë hapur, përveç një rasti kur përgënjeshtroi lajmi se ndarja kishte ndodhur për shkak se Malaj zgjodhi karrierën.
Por, sot në mbrëmje, pak orë pasi u bë publik lajmi se ajo ishte fejuar, këngëtarja ka treguar në “Zonë e Lirë” detaje rreth martesës dhe më pas divorcit. “Divorcin s’e do asnjë. Jeta është shumë e shenjtë. Duhet jetuar me norma. Me Mirkon vazhdojmë të kemi një respekt reciprok, sepse kemi nje vajzë. Por edhe sikur të mos ishte vajza ne prapë do flisnim. Secili bën pjesën e tij dhe të dy mundohemi të bëjmë më të mirën për të” ka treguar Soni, duke na lënë të kuptojmë që ajo vazhdon të ruajë një marrëdhënie miqësore me ish-bashëkshortin.
