E përshkruar vazhdimisht si gruaja më e fuqishme në botë, udhëheqësja de facto e BE-së, kancelarja gjermane Angela Merkel është udhëheqësja më e vlerësuar në nivel botëror, sipas një sondazhi.
Të pyetur nga YouGov në lidhje me një opinion pozitiv mbi Merkel, shumë të anketuar nga pesë vende të mëdha europiane (Britani, Itali, Gjermani, Francë dhe Spanjë) dhe Shtetet e Bashkuara të Amerikës, dhanë mendim më pozitiv sesa negativ.
Kancelarja gjermane, e cila që nga viti 2005 ka punuar me katër presidentë amerikanë dhe francezë, pesë kryeministra britanikë dhe tetë krerë të qeverive italiane, grumbulloi vlerësime pozitive në Spanjë, Francë dhe Gjermani. Opinionet në Itali, SHBA dhe Mbretërinë e Bashkuar ishin më pak pozitive, por dukshëm shumë të larta se të udhëheqësve të tjerë.
Figura si Xi Jinping i Kinës, Vladimir Putin i Rusisë, Narendra Modi i Indisë dhe Boris Johnson i Britanisë së Madhe, morën vlerësime negative në të gjitha vendet e anketuara.
YouGov shkruan se reagimi i Merkel ndaj ndryshimeve klimatike dhe trajtimi i krizës së koronavirusit morën vlerësime të favorshme, por përpjekjet në trajtimin e Brexit u panë më pak pozitivisht.
Artikull i rekomanduar: 12 fakte interesante që pak njerëz i dinë për Angela Merkel, gruan më të fuqishme në botë
