Sara Hoxha veshi më herët në mars një jumpsuit nude, duke krijuar një look gati monokromatik- njëngjyrësh- me një palë këpucë nude dhe një pallto në tonalitetet më të zëna të nude-it. Është një look me të cilin të famshmit eksperimentojnë prej kohësh, i cili në 2015-ën u legalizua nga Dinastia Kardashian-Jenner. Por tani është ‘zyrtarizuar’ edhe në Shqipëri.
Ajo që debutoi me një veshje monokromatike ishte këngëtarja Elvana Gjata, e cila u vesh e tëra në bezhë të errët, me një jumpsuit dhe pallto në të njëjtën ngjyrë, kombinuar me një palë këpucë ngjyrë mishi. Një veshje të tillë, pra me jumpsuit, pallto e këpucë në tonalitetet e nude-it, e ka veshur në qershor të 2015-ës Kim Kardashian. Një jumpsuit të ngjashëm ka veshur edhe trashëgimtarja e Top Channel, Sara Hoxha.
Ka shumë mënyra për t’u veshur monokromë: në ngjyra, copa dhe veshje të ndryshme. Si në tonalitete të veçanta, si jeshilja e Kendall, e bardhë apo në tonalitetet e rozës së lehtë, si Jessica Alba. Dhe sigurisht, mund të guxojmë edhe duke veshur fustan apo fund, siç kanë qënë variantet e para të këtij look-u nga Kim Kardashian.
Copyright Anabel.al / Ndalohet ribotimi pa lejen e redaksisë.
