Që pas ardhjes në jetë të fëmijës së saj të parë, aktorja e njohur Amy Schumer nuk ka bërë gjë tjetër përveçse të tregojë vështirësitë e një momenti të tillë, sigurisht sipas mënyrës së saj.

Aktorja nuk ka hezituar të postojë foto të momenteve të rëndësishme për të, duke filluar që nga lindja e vogëlushit e deri te shëtitja e tij e parë.

Të mos flasim pastaj për fotot ku pozon teksa po siguron qumështin e bebushit apo për mëngjeset e zakonshme të nënave të reja.

Të shumtë janë njerëzit që po vlerësojnë mënyrën si Amy po kthen në vëmendje vështirësinë e të qenurit nënë, vështirësitë e lindjes, vështirësitë e kujdesit ndaj fëmijës, por në të njëjtën kohë edhe bukurinë e një momenti të tillë.