Ditë më parë, në albumin e saj të ri, “Mindil”, Rona Nishliu ndau me të gjithë lajmin e shtatzënisë.
“Ky album shkon për ty, që jam duke të mbajtur prej muajsh brenda meje, ende duke pritur për takimin e parë. Ti dhe gjithë fëmijët e tjerë, duhet të zbuloni çfarë e frymëzon muzikën tonë kombëtare.”- shkruante ndër të tjera këngëtarja.
Ndërkohë, edhe daljen e parë publike me barkun e rrumbullakosur, Rona zgjodhi ta bënte pikërisht gjatë koncertit promovues të këtij albumi. E pyetur nga “Mirage” pas performancës, këngëtarja nuk refuzoi të fliste për pritjen e ëmbël.
“Mendoj që shkoi mirë. Ja dolëm! Dihet që tani gjendja është tjetër. Jam vetë i dytë në skenë. Përgjegjësia është më e madhe, por ja dolëm.”- u përgjigj ajo.
Ndonëse prerja e fustanit që mbante veshur nuk zbulonte shumë nga silueta e saj, mund ta dalloje lehtësisht barkun e rrumbullakosur.
“Këtë javë mbyllet muaji i 7-të!”- vazhdon Rona, e cila zgjodhi që gjininë e bebushit të mos e zbuloj.
“E kam si ters ta zbuloj! Dua ta mbaj dhe pak për vete.”- përfundoi këngëtarja.
Kjo është pritja e parë e ëmbël për këngëtaren, e cila u martua shtatorin e kaluar me të dashurin e saj prej 5 vitesh.
