E ftuar në "Grida Duma Podcast", Fifi u pyet sërish për marrëdhënien me Flori Mumajesin. Me sa duket gjërat mes tyre vazhdojnë po njësoj, ajo nuk di asgjë për të e ndërsa përpiqet ta kontaktojë, rrugës ka dëgjuar disa gjëra jo dhe aq të mira të cilat nuk zgjedh t'i besojë.
"Unë nuk e di fare as ça bën Flori, as si është Flori, as...nuk kam informacion. Kam pyetur. Ca përgjigje që kam marrë s’më kanë pëlqyer. Ca përgjigje të tjera më kanë lënë kështu si neutral. Po pa folur me të, unë nuk i besoj askujt, sepse thuhen shumë llafe dhe dalin të mos jenë të vërteta dhe dalin të mos kenë qenë ashtu."
Mbi marrëdhënien me këngëtarin ajo foli edhe në "The Dalina Show", në Andale Media, një muaj më parë. E pyetur nga Dalina Buzi se çfarë marrëdhënie ka me Florin sot, duke marrë parasysh se një vit më parë deklaroi se “ka një vit që i shkruan dhe nuk i ka kthyer përgjigje”, Fifi u përgjigj:
"Vazhdojmë njësoj, unë i shkruaj, ai s'kthen. Çfarë të bëjmë."
Ndër të tjera, përpos mallit që thotë se ka për Florin, pa përmendur detaje, por duke nënkuptuar diçka, Fifi tha gjatë podkastit të "The Dalina Show" se "kushedi se ku i ka ngelur hatri" që refuzon të flasë me të, duke përsëritur edhe një herë shakanë se e vetmja zgjidhje që i kishte mbetur, është të shkojë t'i thyejë derën për të komunikuar me të.
Duke rikujtuar dhe një episod nga 2019-a ku dyshja papritur hoqën njëri-tjetrin nga Instagrami, pasi u përfolën edhe për një lidhje romantike madje, Fifi shpjegoi se kishte qenë një moment gjaknxehtësie:
"Ai ka qenë moment euforik, isha 25 vjeç, isha e vogël."
-
-
"Do shkoj t'ia thyej derën": Ç'ndodhi mes Fifit dhe Flor Mumajesit?
17 Dhjetor, 09:09 -
