IPhone-t e rinj Apple, 6S dhe 6S Plus, vijnë plot e përplot me përmirësime dhe karakteristika të veçanta, por ndoshta ai më i mahnitshmi është " Fotografitë Live." Formati i ri i fotove është disi një lloj hibridi mes një fotografie dhe një videoje të shkurtër.
Zgjat rreth 1.5 sekonda para dhe pasi të shtypni butonin, disi e ngjashme me një GIF dhe në të mund të përfshini edhe zë gjithashtu. Fansat e Harry Potter-it do ta njohin këtë format nga fotografitë e animuara të sagës së famshme. (çdo foto në filmat e Harry Potter lëvizte për pak sekonda).
‘Apple’ thotë se të gjitha pajisjet e saj do të mbështesin rishikimin e këtij formati të ri, i cili nuk do të marrë më shumë memorje se një foto tradicionale, dhe së shpejti kompanitë e tjera do të bëjnë të njejtën gjë. Rrjeti social Facebook ka planifikuar të përqafojë këtë risi në fund të këtij viti, ka thënë zëvendës presidenti i marketingut Phil Schiller.
Telefonat e rinj do të kenë një kamera iSight 12 megapixel në pjesën e prapme, dhe një tjetër 5 megapixel me definicion të lartë në pjesën e përparme.
Përshtati: Ermira Leshi
Burimi: time.com
