Rihanna dhe Rocky, pavarësisht se mund të kenë mëdyshje për emrin e bebit, diçka e dinë me siguri: Emri do të nisë me shkronjën “R”.
Gjatë një interviste të fundit për Entertainment Tonight në premierën e filmit “Smurfs”, RiRi zbuloi se ajo dhe partneri i saj tashmë e kanë zgjedhur nistoren e emrit të bebit nr. 3.
“Gjithmonë do të jetë një emër që fillon me ‘R’. Kjo është e vetmja gjë për të cilën unë dhe Rocky nuk zihemi,” tha Rihanna.
Rihanna dhe Rocky janë tashmë prindër të dy djemve: RZA, 3 vjeç, dhe Riot, 23-muajsh.
View this post on Instagram
Në një tjetër intervistë për ET gjatë premierës botërore të “Smurfs” në Bruksel, A$AP Rocky gjithashtu la të kuptohej se janë në pritje të një vajze.
“Është ajo vajza që ke pritur?” e pyeti gazetari, ndërsa reperi u përgjigj i buzëqeshur: “Po, vëlla, po, është.”
Këngëtarja e “Diamonds” njoftoi shtatzëninë e saj të tretë në Met Gala, në maj të këtij viti. Ajo u shfaq me barkun e rrumbullakosur në eventin e modës, duke konfirmuar dyshimet e vazhdueshme të fansave.
Epo, mesa duket, albumi që presim të gjithë nuk do vijë, por të paktën do shohim bebe të lezetshme dhe me super stil në veshje.
