Foto: Mozzik, Met Elshani/ Instagram

Diss-i i Mozzik përfshiu shumë njerëz të së shkuarës, dhe një ndër ta ishte ish-menaxheri, Met Elshani. Në një pjesë të këngës ai përmendi mbiemrin e tij, duke thënë se ai mbante një pjesë të konsiderueshme të fitimeve gjatë kohës që ata bashkëpunonin. Këtyre akuzave ish-menaxheri ka vendosur t'i përgjigjet me të tjera edhe më të rënda, të cilat nuk përfshijnë vetëm reperin, por edhe ish-partneren, Loredanën. 

"Është sinqerisht qesharake se si disa njerëz mund të jenë kaq të pasjellshëm dhe prapë të mendojnë se meritojnë një vend në jetën time. Mjaft me gënjeshtrat. Gënjeshtrat e tua të kanë çuar pikërisht aty ku je sot. Çdo copëz dhimbjeje mendore dhe fizike që ke pasur dhe që ende ke, ia ke shkaktuar vetes."

Edhe pse nuk përmend emra konkretë, përmendja e ish-gruas dhe e një situate që është diskutuar shumë më parë nëpër portale na drejtojnë te emri i Mozzik dhe Loredanës. 

"Gënjeshtrat, tradhtitë, të bërit viktimën. E vërteta tashmë është zbuluar. Madje e ke pranuar edhe vetë. T’i vjedhësh kursimet e jetës një gruaje të moshuar dhe pastaj të përpiqesh t’ia hedhësh fajin ish-gruas tënde? Ti dhe gruaja jote e dini shumë mirë çfarë keni bërë. E shtytë atë grua të moshuar drejt mendimeve vetëvrasëse dhe prapë doni të luani rolin e njeriut të mirë."

Kur ai flet për vjedhje i referohet akuzave të disa viteve më parë, kur filloi të raportohej për një dëm të shkaktuar ndaj një çifti zvicerian rreth të 50- ave me vlerë prej afro një milion frangave.

Ish-partnerja e reperit Mozzik, Loredana dyshohej se kishte një detyrim prej 700,000 frangash, ndërsa vëllai i saj, Berati, 200,000 franga të tjera. Paratë u pretendua se u morën përmes shantazhit dhe kërcënimeve të vazhdueshme. Pak më vonë qarkulluan lajme për arrestimin e këngëtares, pastaj sërish u raportua se ajo u lirua.

Pak ditë më vonë, nëpërmjet një konference të tranmetuar live te Prive Klan Kosova, reperja e shoqëruar nga partneri i saj Mozzik dhe 2 avokatët foli rreth akuzave të bëra ndaj saj.

"Për mua çfarë është me rëndësi të dijë shteti shqiptar, gjerman dhe zvicerian është që prej asnjë personi nuk janë marrë para me dhunë, nuk janë marrë me mashtrime dhe as me kërcënime. Këto para, shumën e të cilave nuk e di janë marrë me vullnet të pastër të palës tjetër," u shpreh ajo në atë kohë.

Sa i takon arrestimit, gjatë konferencës ajo foli edhe për lajmet që kishin qarkulluar rreth saj dhe mohoi se kishte qenë ndonjëherë e arrestuar nga autoritetet zvicerane.

"Është e vërtetë që kam dhënë deklaratë në polici, por s’kam qenë kurrë e mbyllur. Mozzik më ka pritur jashtë dhe pastaj prokurori më ka lënë të shkoj në shtëpi ku ka qenë vajza ime," u shpreh ajo.

"E ke pas ni menaxher
s'po ia di emrin
diçka Elshan
ti merrke 70% e ty tu doke taman
për me nxjerr gojën e bukës
i pritshe paret e YouTube-s," kjo ishte një pjesë e asaj çfarë Mozzik i dedikoi ish-menaxherit në këngën e tij.

Mozzik dhe Getinjo u larguan aspak miqësisht nga kompania që i menaxhonte, “On Records”, e cila fshiu çdo këngë të tyre. Ish-menaxheri, Met Elshani, tha pak vite më parë se “këngët ishin fshirë sepse mund të bënin çfarë t’iu donte qejfi me videoklipet, të drejtat e shpërndarjes i kishin vetë”.