Në episodin e fundit të "The Dalina Show" në Andale Media, i pari që transmetohej Live në YouTube, një histori në pamje të parë e zakontë për një zemër të thyer mori rrjedhën e një mini drame. Djali me pseudonimin Kristi, 20 vjeç, nga Tepelena, telefonoi për të folur për ish-të dashurën e tij, e cila e kishte lënduar dhe mbyllur lidhjen me të pas një tradhtie.
Rrëfimi i Kristit:
"Njoha një vajzë në TikTok, u afruam shumë. Me të kam përjetuar çdo lloj emocioni, e kam dashur me shpirt.
Ajo vinte nga një fejesë e mëparshme. U fola prindërve për të, nuk e pritën shumë mirë, por m'i dhanë bekimet.
Kalonim 24/7 bashkë, shkoja nga Tepelena në Fier për t’i dhuruar qoftë edhe një trëndafil. Jam i lënduar sepse s’m’u kthye dashuria që dhashë. Mendonim të ardhmen bashkë.
Vajti në Maqedoni për të studiuar, ndryshoi çdo gjë. Më tha 'po dal me shoqet' një natë, kisha besim të plotë, por kur e pashë me një veshje pub-i, më ra si bombë. Më vinin foto që shoqërohej me dikë, por s’i besoja. Derisa ma tha troç dhe me të qeshur që po shoqërohej me një djalë. Po bëj gati një muaj që s’e marr dot veten."
Dalina Buzi dhe psikologia Jonarda Kërkuti po analizonin situatën duke biseduar me Kristin, derisa vjen një telefonatë, e shoqëruar me disa mesazhe në numrin e afishuar për njerëzit që donin të ndanin një histori live:
Siç e kuptuat, ishte ish-e dashura e Kristit. Pasi regjia vendos në dijeni Dalinën, dhe ajo Kristin, ky i fundit refuzon të dëgjojë vajzën dhe mbyll telefonatën. Megjithatë, vajza me pseudonimin Sara qëndroi për të dhënë versionin e saj të historisë:
"Ma dërgoi Kristi si link [videon e emisionit live] në Instagram.
E para, unë dhe Kristi s’jemi lidhur asnjëherë. Kemi dalë 2 herë në takime gjithsej. S’kemi një vit, po 3 muaj që njihemi. As nuk e kam përqafuar, i kam dhënë vetëm dorën. I kam bërë block, u zëmë për veshjen, sepse ai ka probleme me mentalitetin.
Në fillim m'u duk si djalë serioz. Jam shkëputur nga një lidhje që më ka lënduar, por s’ishte fejesë siç tha Kristi.
Në Maqedoni nuk është se jam larguar kur po njihesha me Kristin, kam 3 vite këtu për studime.
Nuk ka asnjë lloj tradhtie. Nuk e kuptoj çfarë fotosh i kanë ardhur. Nuk e prisja të arrinte deri këtu.
Ai nuk është i përshtatshëm për mua dhe e kuptova në një bisedë ku më fyeu."
Pra, sipas Sarës, Kristi shpiku pothuajse çdo detaj të historisë që tregoi. Ndonëse nuk kemi të drejtën të vlerësojmë kush tregoi të vërtetën e kush jo, i dyshimtë është fakti që Kristi porsa dëgjoi se "ish-e dashura" donte ta ballafaqonte, refuzoi dhe mbylli telefonatën.
Ndiqeni më poshtë situatën e plotë:
