Personazhet publikë në përgjithësi kanë tendencën të tregojnë se sa shpejt mund t’i humbasin kilogramët e marrë gjatë shtatzënisë. Në fakt, vitet e fundit kjo tendencë vihet re tek çdo grua, duke përjashtuar këtu princeshën e Sussex-it.
Që prej lindjes së djalit, Markle ka marrë pjesë në shumë evente publike dhe siç mund ta keni vënë re, ka shtuar disa kilogram të tjerë. Njerëzit, nuk janë kursyer ta krahasojnë atë me Kate Middleton pak orë pas lindjes, që dukej sikur s’kishte qenë kurrë shtatzënë. Nuk është habi që të prisnin nga Meghan, të njëjtën gjë.
Kur princesha u shfaq në publik me një fustan pas trupit, kishte nga ata që e kritikuan duke i thënë se diçka më e lirshme do t’i rrinte më mirë, sepse kështu do të fshihte kilet e tepërta.
Në fakt, gjithë çfarë Meghan bëri ishte vendosja e një trendi të ri. Frymëzoi gratë e tjera të botës të mos ndihen aspak “të sikletosura” nga pesha e tyre pas lindjes së një bebushi. Vetë ajo, duket se ka refuzuar të mbajë dieta për shkak të gjidhënies.
Ekspertët mbretërorë, shprehen se Meghan nuk është marrë fare me palestër dhe se po merr gjithë kohën që do për të shijuar vogëlushin.
Çfarë vendosi ajo ishte të bënte një revolucion që me shumë gjasa i ka shërbyer shumë grave! Trupi i një gruaje ndryshon, nuk ka rëndësi nëse je VIP apo jo, mjafton ta duash atë!
