Ke qejf një grua Peshore? Nuk të vëmë faj, përkundrazi, të përgëzojmë për shijet.
Gratë Peshore janë persona me shumë parime dhe vizion, i cili shkon gjithmonë përtej. Të balancuara, harmonike dhe shumë të përkushtuara, gratë Peshore janë thjesht fantastike.
Elementi përfaqësues: Ajri
Modaliteti: Kardinal
Simboli: Peshorja, duuh
Fjalët kyçe: Paqe, harmoni, drejtësi, autenticitet
Gra të famshme që janë Peshore: Serena Williams, Kim Kardashian, Cardi B, Doja Cat, Gwyneth Paltrow dhe Halsey.
Të forta dhe delikate, Peshoret janë një prej shenjave më fleksible, pasi ndryshojnë mendje dhe qëllimet, në varësi të situatave.
Një Peshore nuk mund ta ndalosh, as t’i thuash kur duhet ta marrë shtruar, pasi e di vetë kur duhet të lëvizë dhe kur duhet të qëndrojë në vend. Simboli i tyre është një peshore (domosdo) dhe shërben për të nënkuptuar ekuilibrin dhe drejtësinë. Virtyti më i rëndësishëm i një Peshoreje është drejtësia.
Peshorja gjen gjithnjë zgjidhje, falë durimit, vullnetit dhe mënyrës së thjeshtë të të parit të situatave.
Dhe, nëse ke qejf një grua Peshore, mos e mendo fare që t’i harxhosh kohën! Ka kaq shumë punë dhe mendime, sa gjëja e fundit që mund t’i bësh, është ta marrësh për të mirëqenë. Gruaja Peshore e di shumë mirë ç’do dhe nëse zgjedh të të dojë, është sepse thjesht e merr si vendim.
Peshorja udhëhiqet nga Afërdita, që do të thotë se ka një kujdes shumë të madh në dashuri. E gjen gjithnjë duke reflektuar dhe duke peshuar veprimet dhe sjelljet njerëzore.
Është shumë e rëndësishme që ta lësh Peshoren të marrë frymë dhe të ketë hapësirën e vet. Gruaja Peshore është gjithnjë me nxitim dhe kërkon dikë që ta kuptojë këtë.
Jeta është e shkurtër dhe Peshorja s’ka në plan ta shpenzojë duke u shpjeguar njerëzve se si është realisht.
Gjithashtu, një Peshore di ta shijojë jetën dhe përshtatet me çdo grup. Ah, përçon edhe energjinë e duhur në çdo ambient.
Epo, paç fat me një Peshore! Ia vlen pritja dhe durimi me të!
Artikuj të sugjeruar:
